Avokati Kieran Both u përgjigjet pyetjeve për bashkimet familjare të shtetasve amerikanë

Çështje të  Emigracionit

Pyetje :

 A mund ta kthej vëllanë tim sërish në SHBA? Ai kishte green card, por shkoi në Shqipëri tre vjet më parë kur babai ynë ishte i sëmurë dhe nuk u kthye dot brenda afatit të caktuar. Unë  vetë kam shtetësi amerikane.

 BT

Astoria, NY

 

Përgjigje:

  Green card-a nuk konsiderohet më e vlefshme për rihyrje, nëse individi ka qenë jashtë Shteteve të Bashkuara për më shumë se një vit. Nëse një person me banim të përhershëm ka ndërmend të qëndrojë jashtë për një kohë të gjatë, ai duhet të aplikojë për leje  rihyrje përpara se të largohet nga SHBA. Nëse personi planifikon një udhëtim të shkurtër dhe pastaj ndodh diçka e papritur që e detyron të qëndrojë më gjatë, do t’i duhet të dëshmojë se nuk e ka braktisur vendbanimin e tij të përhershëm në SHBA. Nëse ka mbetur  në Shqipëri për një vit ose më shumë, ai mund të aplikojë në Ambasadën Amerikane për një vizë të veçantë. Kur hyn në aeroport ose në çdo pikë tjetër të hyrjes në SHBA , ai duhet të bindë inspektorin e Emigracionit që ai nuk e braktisi vendbanimin e tij . Dëshmi të tilla si pronësia e pronës në SHBA, familja, llogaritë bankare dhe lidhjet e tjera mund të jenë të dobishme.

 

Pyetje:

Kam ardhur në SHBA si student në vitin 2013. Nuk munda të gjeja një sponsor për një vizë pune, dhe nuk u ktheva në vendin tim. Statusi im i emigracionit ka skaduar. Gruaja ime ka green card dhe ajo bëri kërkesë për mua. Ajo mund të aplikojë për t’u bërë shtetase amerikane për 8 muaj. A jam i lejuar të punoj legalisht?

 AB

 

Përgjigje:

Për fat të keq, ju nuk mund të bëni  kërkesë për autorizim punësimi derisa gruaja juaj të bëhet shtetase amerikane. Aplikimi që gruaja jote paraqiti i përgjigjet Formulari I-130. Kur ajo të bëhet shtetase, ju hyni ne kategorinë e parë të bashkimeve familjare si bashkëshorti i shtetases amerikane. Tani për tani, rasti juaj është në kategorinë e preferencës F2A (Bashkëshortët dhe fëmijët e banorëve të përhershëm). Statusi me I-130 nuk u jep ndonjë përfitime nga emigracioni. Thjesht u ve në radhë për kategorinë e preferencave. Një person mund të marrë green card ( të rregullojë statusin) në SHBA nëpërmjet martesës me një banor të përhershëm të ligjshëm vetëm nëse ai ka patur status ligjor gjatë gjithë periudhës që ai ka qenë në SHBA.

Në situatën tuaj të tanishme, kur  ju keni dalë nga statusi dhe gruaja juaj nuk është shtetase, ju duhet të largoheni nga SHBA dhe të merreni vizën e emigrantit në një konsullatë jashtë vendit. Pastaj duhet të kaloni pasojat e tejkalimit të vizës tuaj. Duhet ta bindni zyrtarin e emigracionit se për gruan tuaj do të ketë vështirësi ekstreme, nëse nuk ju lejoheni të rihyni në SHBA. Kur gruaja jote bëhet shtetase amerikane, ndryshon puna. Ju mund të paraqisni aplikimin për të rregulluar statusin (Formulari I-485) si dhe kërkesën  për Autorizim Punësimi (Formulari I-765).

Ky është hapi  i parë drejt statusit tuaj ligjor. Ju mund të aplikoni për autorizim punësimi sapo të gëzoni të  drejtën për green card kur gruaja juaj të bëhet shtetase amerikane. Kur ajo të bëhet shtetase, rasti shndërrohet në një kërkesë e shtetasit amerikan per bashkëshortin/en e huaj. 

Do të lejoheni të punoni gjatë kohës që jeni duke pritur që I-485 të përpunohet dhe të caktohet për intervistë.

 

Letër.

Unë jam e martuar me një shtetas amerikan dhe kam pasur  kartë të gjelbër për tre vjet. Aplikova për shtetase amerikane. Nëse bashkëshorti im dhe unë ndahemi, a do të ndikojë në mundësinë time për t’u bërë qytetare amerikane?

 JD

Huntington, NY

 

Përgjigje:

 Nëse ju dhe burri juaj do të divorcoheni, do t’ju duhet pesë vjet qëndrimi të përhershëm (dmth me green card)për t’u kualifikuar për t’u bërë shtetase amerikane . Për t’u kualifikuar për natyralizim pas vetëm tre vjet qëndrimi bazuar në martesë me një shtetas amerikan, duhet të keni qenë emartuar dhe jetoni me atë shtetas për tre vjet.

 Letër:

Unë jam banor i përhershëm i SHBA. U martova me një grua në Shqipëri në gushtin e kaluar dhe unë mezi pres që ta sjell  këtu . A duhet të paraqes peticionin për të tani apo të pres derisa të bëhem shtetas?

 BR

Camden, NJ

 

Ju mund të paraqisni aplikimin për të tani dhe pastaj ta “freskoni” atë kur të naturalizoheni dmth  kur të bëheni shtetas amerikan

 Lexuesit  mund të gjejnë gjithashtu informacion shtesë  në faqen e internetit te Emigracionit (USCIS) në www.uscis.gov ose në faqen e internetit të Departamentit të Shtetit të Shteteve të Bashkuara (DOS) në www.travel.state.gov/

 Qëllimi ynë është që të ndihmojmë komunitetin shqiptar dhe emigrantët me informacion që të kërkojnë ndihmë të pavarur.

Inkurajojmë pyetjet tuaja. Ne ju falënderojmë për komentet dhe pyetjet tuaja të vazhdueshme dhe ne do të përpiqemi t’u përgjigjem sa më shumë prej tyre në të ardhmen. I Ftojmë  ato në adresën tonë e-mail tek [email protected]

Comment

*