Bisedime për arsim, njohje diplomash, shkencë e teknologji Shqipëri-Kosovë

Në Tiranë u takuan ministrja e Arsimit dhe Sportit, Lindita Nikolla dhe ministri i Arsimit, Shkencës dhe Teknologjisë, Arsim Bajrami

 

Denion Ndrenika

Shqipëria dhe Kosova vazhduan bisedimet për njehsimin e plotë të sistemit arsimor, njohjen e ndërsjellë të diplomave dhe shtrirjen dhe forcimin e bashkëpunimit në kërkim shkencor.

Ministrja e Arsimit dhe Sportit, Lindita Nikolla dhe ministri i Arsimit, Shkencës dhe Teknologjisë, Arsim Bajrami udhëhoqën bisedimet edhe me grupet punues.

Ministri Bajrami theksoi se do të ketë rezultate konkrete për njehsimin e arsimit të Shqipërisë dhe Kosovës.

Zoti Bajrami shprehu kënaqësinë që ndodhet në Tiranë për këtë takim të përbashkët pune dhe theksoi se do të punohet më tej për vazhdimin e bashkëpunimin mes dy vendeve.

Kurse, ministrja Nikolla tha megjithatë se njehsimi i sistemit kërkon punë të madhe derisa të arrihet.

Ministrja Nikolla, sipas ATSH-së e cilësoi takimin si një takim të kthyer në traditë të përbashkët pune, ku mundësohet trajtimi i çështjeve dhe problematikave që lidhen me fushën e arsimit.

Në tryezë u diskutuan, sipas agjencisë, pika të rëndësishme, siç është ajo e një sistemi të përbashkët kurrikular midis dy vendeve për arsimin parauniversitar, fushën e arsimit të lartë, profesionet e rregulluara dhe njohjen e diplomave dhe titujve të arsimit të lartë.

Njejtë si më herët ministrat mbeten të angazhuar për njohjen e ndërsjellë të diplomave.

Zonja Nikolla tha se Shqipëria do ta ndihmojë Kosovën për projektligjin e profesioneve te rregulluara. Në profesionet e rregulluara përfshihen mjeku, stomatologu, farmacisti, infermieri, mamia, arkitekti dhe inxhinieri.

“Kemi shumë për të bërë, por kemi edhe detyra të vendosura nga mbledhja e fundit e përbashkët e dy qeverive tona, pa lënë mënjanë, një sektor shumë të rëndësishëm që lidhet me diasporën, ku kemi vendosur një agjendë të përbashkët veprimi, për të vijuar me tekstet, cilësinë e tyre dhe përmirësimin e punës sonë për mësimin e gjuhë e kulturës shqipe”-tha zonja Nikolla.

Ministrat Nikolla dhe Bajrami u pajtuan që rektorët universitarë të mblidhen për shkëmbyer përvojë.

One Response to “Bisedime për arsim, njohje diplomash, shkencë e teknologji Shqipëri-Kosovë”

Read below or add a comment...

  1. Ismail says:

    Kjo eshte per tu pershendetur. Nuk e kuptoj pse edhe me heret nuk jane kryer keto takime e vendime. POse Kosova njeh diplomat e Universitetit serbe ne Mitrovice, Njeh diplomat e gjitha universiteteve private e publike te IRJM.jeh diplomat burllgare,greke, e kujt jo,Pervec njohjes se diplomave shqiptare. As ne Kosova nuk jemi ne nivel kushedi cfare,(shiko renditjen e Universiteteve publike e private ne nivel nderkombetar). Njohja reciproke e diplomave, eshte dashur te jete qe nga fillimi i raporteve ndershteterore,kur dihet jemi nje popull,nje gjuhe,nje histoiri,fatkeqsisht te perbashket kemi vetem Abetaren, qe uhet te keim te perbashketa gjitha kurikulet e gjitha niveleve dhe gjitha lendve. Duhet te jemi ne ate nivele qe nxenesi-studenti shqiptar i Prishtines,Gjakoves,Gjilanit. te jet i liure dhe pa asnje pengese te regjitrohet ne Shkoder,Tirane, Gjirokaster. Cdo i ri dhe e re shqiptare, pa asnje pengese, duhet te jene te ilire te shkollohen dhe te vazhdojne shkollimin ne cilendo hapesire,nivel e mjedis etink shqiptare. Kjo eshte e arritur e kohes, mos te krijojme barikadime e pengesa te panatyrshme qe ndikojne ende ne mbajtjen e nje populli e nje gjuhe te ndare.Kete nuk guixojme ne ta bejme e as ta ndihmojme per asnje arsye.

Comment

*