Blerim Shala: Kosova e bllokuar politikisht, as zgjedhjet s’janë garanci

Prishtinë, 18 mars 2017 – Blerim Shala, deputeti i pavarur në Kuvendin e Kosovës dhe Koordinator i Qeverisë së Kosovës në Dialogun me Serbinë, ka thënë se Kosova është e bllokuar politikisht për marrjen e vendimeve të mëdha për Kosovën për shkak se pozita dhe opozita janë barrikaduar në pozicione të kundërta.

Shala ka thënë se, në këtë situatë, shteti i Kosovës vazhdon të mos ketë mundësi të marrë vendimin më të rëndësishëm, atë për demarkacionin me Malin e Zi.

Ish-nënkryetari i parë i AAK-së ka thënë se politika kosovare s’është fare duke i kryer obligimet për çka është votuar.

“Në shikim të parë, duket që të dy palët nuk lëshojnë pe nga qëndrimet e tyre: Qeveria paralajmëron që Ligjin për Ratifikimin e Marrëveshjes do ta dërgojë në Kuvend, opozita paralajmëron që do ta kundërshtojë atë, ndërsa, në fakt, nuk ndodh asgjë, pos që konfirmohet sërish që Kosova është e bllokuar politikisht në marrjen e vendimeve me rëndësi jetike për qytetarët e vet, sepse kjo politikë nuk po i kryen fare detyrat e veta, për të cilat është votuar dhe mandatuar, në mënyrë që t’ua lehtësojë jetën qytetarëve të Kosovës”, ka shkruar Shala, në një tekst autorial, botuar në lajmi.net

“Nga ky pikëshikimi i sotëm (së paku), nuk është aspak e qartë se a do të mund të ndryshojë kualiteti politik i vendimmarrjes në instancat më të larta politike në vend, në vijim të organizimit të zgjedhjeve të reja parlamentare në Kosovë”, ka shtuar ai.

Shala ka qenë Koordinator i Qeverisë së Kosovës për Dialog me Serbinë edhe gjatë kohës që ka qenë nënkryetar i AAK-së, kur kjo parti i jepte mbështetje këtij dialogu. (r.m.)

One Response to “Blerim Shala: Kosova e bllokuar politikisht, as zgjedhjet s’janë garanci”

Read below or add a comment...

  1. Vete says:

    Ne parlamentin ne te cilin eshte nje njeri si blerim shala qe kurrrr nuk ka pase guxim te marr vendim apo qendrim………eshte normale qe edhe parlamenti te jete i tille skkur ky ahmak i rakit

Comment

*