Dy aktivistë të njohur shqiptarë në piknikun e Kongresit në Shtëpinë së Bardhë

Harry Bajraktari dhe Lisa Milicaj bashkohen me familjet e ligjvënësve, në Kopshtin Jugor, ku morën pjesë edhe Presidenti Donald Trump dhe Zonja e Parë, Melania

 

Zonja e Parë dhe Presidenti i SHBA-së, Melania dhe Donald Trump të shoqëruar nga drejtues të tjerë të administratës pritën anëtarët e Kongresit dhe familjarët e miqtë e tyre në piknikun vjetor në Shtëpinë e Bardhë. Ata folën shkurtimisht dhe bënë fotografi e u përshëndetën me pjesëmarrës në Kopshtin Jugor.
Mes pjesëmarrësve ishin edhe aktivistët e njohur shqiptaro-amerikanë Harry Bajraktari dhe Lisa Milicaj që merrnin pjesë bashkë me kongresistin Eliot Engel dhe bashkëshorten e tij Patricia Ennis.
Harry Bajraktari është themeluesi i gazetës “Illyria” dhe një nga figurat kryesore të Këshillit Kombëtar Shqiptaro Amerikan. Bashkëshortja e tij Lisa Milicaj është gruaja e parë shqiptaro-amerikane e zgjedhur në pushtetin lokal në New York.
Pikniku i Kongresit, që bashkon ligjvënësit nga të dy partitë politike amerikane ishte edhe më emocional këtë vit për shkak të një sulmi me armë kundër disa kolegëve të tyre republikanë.
Lisa Milicaj e cila njihet si mbështetëse e Presidentit Trump qysh nga fillimi i fushatës së tij elektorale doli në disa fotografi me të dhe zv-Presidentin Mike Pence, që gjithashtu merrte pjesë bashkë me bashkëshorten.
Veprimtari i shquar i çështjes kombëtare, Harri Bajraktari është nderuar nga Presidenti i Shqipërisë Nishani me titullin : “Nderi i Kombit” ndërsa Lisa Milicaj është nderuar me Urdhërin e Kalorësit të Skënderbeut.
Pikniku i këtij viti përfshiu edhe një garë të vogël me varka me vela në shatërvanin e Kopshtit Jugor të Shtëpisë së Bardhë, si dhe një karusel.
Në sfond, luante Orkestra e plotë e Forcave Detare të Ushtrisë së Shteteve të Bashkuara. (Beqir Sina/Ruben Avxhiu)

19275305_1365646120210186_2634233259475748886_n 19275314_1365646180210180_7315008216547949778_n 19366234_1365646123543519_6700951964687694929_n 19366620_1365646163543515_6745318285498249560_n 19396591_1365646166876848_40241238018003197_n 19396690_1365579213550210_5879461982151027778_n 19396757_1365646246876840_1464458933258225375_n 19396836_1365646106876854_7250697725667839830_n 19396997_1531761433555438_1840030000618210089_n 19397039_1365646193543512_5187903982308806883_n 19399793_1365646116876853_1979191886347016201_n 19420381_1531762133555368_3715836576458106458_n 19424434_1365579226883542_1491888708292728717_n 19430003_1365579216883543_715264223231870122_n

Comment

*