Haliti: S’është i lehtë shfuqizimi i Gjykatës Speciale

Prishtinë, 28 dhjetor 2017 – Nënkryetari i Kuvendit të Kosovës, Xhavit Haliti, ka deklaruar për gazetën “Zëri” se shfuqizimi i Ligjit për Gjykatën Speciale nuk është proces i lehtë.

Haliti ka deklaruar për gazetën “Zëri” se para se të themelohej kjo Gjykatë Kosova ka bërë marrëveshje me Bashkimin Evropian, të cilët i kanë ndarë 300 milionë euro.

“Shfuqizimi i Speciales nuk është proces i lehtë. Ne si shtet kemi një marrëveshje me Bashkimin Evropian, të cilët kanë ndarë 300 milionë euro për Gjykatën Speciale. Sa e di unë, edhe SHBA-ja ka ndarë një pjesë të mjeteve për Gjykatën. Së treti, Kosova ka bërë një marrëveshje me Holandën sa i përket kësaj çështjeje dhe ky shtet i BE-së e ka miratuar marrëveshjen. Nuk është e lehtë që ne të ndërmarrim hapa, të cilët i prishin gjithë këto marrëveshje”, ka thënë Haliti.

Por, Presidenti i Kosovës, Hashim Thaçi, gjatë një interviste për REL ka deklaruar se nuk i inkurajon deputetët rreth kësaj nisme, por nëse Kuvendi e aprovon atë do ta nënshkruante si president.

“Nisma e deputetëve për Gjykatën Speciale nuk është një kërkesë për ta sfiduar Gjykatën, por është alternativë, sikurse që kanë edhe vendet e tjera të ish-Jugosllavisë: Kroacia, Bosnja dhe Serbia”, ka deklaruar në një intervistë për “Radion Evropa e Lirë” presidenti i Kosovës, Hashim Thaçi. (r.m.)

One Response to “Haliti: S’është i lehtë shfuqizimi i Gjykatës Speciale”

Read below or add a comment...

  1. arberi dr says:

    DEMARKACIONINASI E KANE VERTETURE TA DERGOJN NE GJYKATE NDERKOMBTADRE
    KOSOVA ESHTE ME ZGRIP>

    KUJDES FUHET ME MATE !)) HERE ATEHERE ME VENDOSE>
    KOMPJTERI PSOI DIFET PJSA E PARE NUK ESHTE KORIGJUARE
    PO MUNDET MA KTHENI
    ARBERI DR

Comment

*