Ismail Kadare nderohet me Çmimin Ndërkombëtar të Letërsisë “Neustadt”

Tiranë, 5 tetor 2020 – Shkrimtari i njohur shqiptar Ismail Kadare do të nderohet me Çmimin Ndërkombëtar të Letërsisë “Neustadt” për vitin 2020.

Ky çmim njihet edhe si Nobeli Amerikan.

Lajmi u dha nga Ambasada Amerikane në një postim në Facebook, ku shkruan se Festivali Neustadt i Letërsisë është një nga ngjarjet më të mëdha të letërsisë botërore.

Për shkak të pandemisë së koronavirusit Festivali i pranimit të çmimit këtë vit do të zhvillohet virtualisht.

Njoftimi i plotë:

Kemi kënaqësinë të njoftojmë se shkrimtari i shquar shqiptar Ismail Kadare do të nderohet me Çmimin Ndërkombëtar Neustadt për Letërsinë të këtij viti.

Si një nga ngjarjet më të mëdha të letërsisë botërore, Festivali Neustadt i Letërsisë është një festim i librave dhe kulturës ndërkombëtare, sponsorizuar nga World Literature Today dhe organizuar nga Universiteti i Oklahomës.

Këtë vit, ngjarja do të zhvillohet virtualisht dhe do të jetë pa pagesë për të gjitha ata që regjistrohen. Ju ftojmë të bashkoheni me ne dhe të shohim me krenari poetin dhe novelistin më të njohur të Shqipërisë teksa nderohet për arritjet e tij.

🇦🇱 | Kemi kënaqësinë të njoftojmë se shkrimtari i shquar shqiptar Ismail Kadare do të nderohet me Çmimin Ndërkombëtar…

Posted by U.S. Embassy-Tirana on Monday, October 5, 2020

(r.m.)

Comment

*