Lionel Messi shpallet futbollisti më i mirë i vitit në botë, për herë të gjashtë

Milano (Itali), 23 shtator 2019 – Lionel Messi u shpall futbollisti më i mirë në botë për vitin 2019. Kjo është hera e gjashtë që ai e fiton këtë trofe.

Në garën e ngushtë për këtë çmim, Messi mposhti Cristiano Ronaldon e Juventusit dhe Virgil Van Djikun e Liverpoolit.

Sulmuesi i Barcelonës sivjet e ka fituar edhe Këpucën e Artë, si golashënuesi më i mirë në Evropë. Ai i ka shënuar 36 gola në ligë dhe ka bërë 13 asistime..

Në kategorinë e femrave, më e mira u shpall Megan Rapinoe që udhëhoqi SHBA-në në triumfin e Kupës së Botës.

Trajneri më i mirë i vitit u shpall Jurgen Klopp, trajner i Liverpoolit.

Në kategorinë e femrave, trajnerja më e mirë u zgjodh Jill Ellis e SHBA-së.

FIFA shpalli edhe formacionin më të mirë të vitit. Në përbërjen e ekipit më të mirë në botë ishin:

Portier: Alisson

Mbrojtje: Sergio Ramos, Marcelo, Virgil Van Dijk, Matthijs de Ligt

Mesfushë: Frenkie De Jong, Eden Hazard, Luka Modriq

Sulm: Cristiano Ronaldo, Kylian Mbappe, Lionel Messi.

Ceremonia e FIFA-s u mbajt në Milano, Itali.

(r.m.)

Comment

*