Ndërron jetë aktori Koço Devole

Tiranë, 9 nwntor 2020 – Aktori i njohur shqiptar, Koço Devole, ka ndërruar jetë sot, në moshën 75 vjeçare.

Zemra e tij ka pushuar në Spitalin Infektiv, ku ishte i intubuar e në gjendje të rënduar prej disa ditësh, pasi ishte infektuar me koronavirus.

Koço Devole ka lindur në Kuçovë më 28 nëntor 1945, është skenarist, humorist dhe karikaturist shqiptar.

Koço Devole është një nga personalitet më të njohura të humorit shqiptar. Përveçse aktor i shkëlqyer humori, Devole është karikaturist, skenarist, regjisor dhe prezantues spektaklesh. Rolet e tij në skene dhe ekran janë nga më të njohurit për publikun shqiptar.

Në vitin 1946, familja e Koço Devoles është zhvendosur në Tiranë. Koço Devole ka studiuar dy vjet për inxhinieri mekanike në Universitetin e Tiranës, por në vitin e dytë të shkollës së lartë konkurroi për dramaturgji në Akademinë e Arteve, ku nuk fitoi, pasi u cilësua si i patalentuar.

Ne nëntor te vitit 1966 u thirr për shërbimin e detyrueshëm ushtarak, ku punoi si aktor dhe regjisor i Estradës së Shtëpisë Qendrore të Ushtrisë përkrah aktorëve të njohur si Aleko Prodani, Roland Trebicka, Zef Deda, Sejfulla Myftari. Më pas ka punuar edhe në revistën “Hosteni” si karikaturist, përkrah karikaturistëve Zef Bumçi, Bardhyl Fico, Enriko Veizi, Bujar Kapexhiu, Shtjefën Palushi etj, si edhe me shkrimet humoristike me emrat më të spikatur të humorit shqiptar si Spiro Çomora, Dionis Bubani, Niko Nikolla, Filip Çakuli, etj. Gjatë viteve 1970-1977 Devole është dërguar disa herë në punë të detyruar për “gabime” ideologjike në artin e skenës.

Ne vitin 1978 Devole nis punën në Televizionin Shqiptar si redaktor, skenarist dhe regjisor i programeve artistike. Në vitin 1997, Drejtori i atëhershëm i RTSH-së e shkarkon atë dhe Devole detyrohet të emigrojë me familjen në ShBA por rikthehet sërish.

Në vitin 2004 – 2005 punon si regjisor dhe skenarist ne emisionin “Fiks Fare” si dhe në spektaklin humoristik “Portokalli” Ka qenë skenarist dhe aktor në koncertet e vitit të Ri te RTSH-se ne vitet 1979 – 1997 si edhe autor dhe Regjisor ne tel komeditë:

Çanta e zeze 1986

Gjuetia e fundit 1992

Të gjallë apo të vdekur 1996 – [1]

Çanta me nje milion 1993

Oreksi i madh 1994 [2]

Një dite i çmendur 1995

Revolja e heroit 1996

Pushime në Romë 1996

Mos shko o trim 1997

Tre shoke pa shërbyesen 2001 [3]

Karafili dhe Kleopatra 2001 [4]

Milioneri 2005

Na ishte njëherë Shqipëria 2009

Në vitin 1997 se bashku me Agron Llaken ne “Telebingo Shqiptare” humori i tij pati nje shkëlqim të vërtetë.

Koço Devole është autor dhe Regjisor i shume spektakleve skenike me trupën e Estradës së Tiranës, Fierit, Beratit etj.

Ne vitin 2013 interpreton ne serialin komik “O Sa Mirë ” ne rolin e profesorit të historisë Akil Boga.

Aktualisht qe nga viti 2009, punon ne tv.Top-Channel në emisionin “Fiks fare” ku krijimtaria dhe interpretimi i tij spikat ne rubrikat “Wikifiks” “Koço në parlamentin europian”” Koço Kiçi ne eoronews” ” Koço Kiçi Show” duke përfunduar me rubriken “Monitorime”.

(Panorama.al)

One Response to “Ndërron jetë aktori Koço Devole”

Read below or add a comment...

  1. Sejdi Veseli says:

    Artisti i Madh, Koço Devolle i dha shumë artit shqiptar!
    Do të kujtohet gjatë dhe me mall, nga familjarët, kolegët, miqtë dhe spektatori!

Comment

*