Rekord ditor me 15 viktima dhe 836 të infektuar me COVID-19 në Shqipëri

Ministria e Shëndetësisë raportoi 2.677 testime dhe 490 të shëruar në 24 orët e fundit

Knid Ndrenika

Në Shqipëri u shënua rekordi me 15 viktima dhe 836 të infektuar me COVID-19 brenda 24 orëve dhe autoritetet u kërkuan me ngulm qytetarëve kufizimin e kontakteve.

15 viktima dhe 836 të prekur shënuan goditjen më të madhe nga Koronavirusi brenda një dite në Shqipëri qëkurse u shfaqën dy rastet e parë në 8 dhe 9 mars.

Kur vendi ndodhet në masa të reja shtrënguese, nëntori mbërriti në 163 viktima, më shumë se çdo muaj tjetër, duke kaluar gushtin me 127 dhe gjithsej 672.

Ndërkaq, kryeshefja e spitalit Infektiv, doktoreshë Najada Çomo kundërshtoi denoncimin e përsëritur të kryetarit të Partisë Demokratike opozitare Lulzim Basha për fshehjen e numrit të vërtetë të viktimave nga Koronavirusi.

Të dy palët thërrasin prokurorinë të hetojë këtë çështje:

“Veproni zotërinj prokurorë! Shkoni merrni provat që na u sollën ne! Janë aty, në morg! Fshehja e numrit të vdekjeve është një lajm tronditës! Nga denoncimi deri te konferenca që do të bëjë nesër kryeministri nuk mund të jetë gjë tjetër veçse momenti i manipulimit të provave”-tha zoti Basha.

“Ftojmë organet kompetente të hetojnë verifikimin e çdo kartele mjekësore. Ne nuk do të lejojmë pa adresuar me ballafaqim këtë cenim që na bëhet në dinjitetin tonë njerëzor dhe profesional”-thekmsoi doktoresha Çomo.

Më shumë se 168 mijë testimeve molekulare dhe serologjike, zbuluan dikund te 32 mijë raste pozitive.

Të shëruar gjithsej janë më shumë se 15 mijë dhe rreth 17 mijë mbeten të sëmurë aktivë.

NJOFTIMI
Ministria e Shëndetësisë dhe Mbrojtjes Sociale ju bën thirrje të gjithë qytetarëve të respektojnë rregullat e higjienës, distancimit fizik dhe mbajtjen e maskës në çdo ambient jashtë shtëpisë. Kufizoni kontaktet dhe mos qëndroni në asnjë lloj grupimi me më shumë se 10 persona, për të kufizuar përhapjen e infeksionit.
Ministria e Shëndetësisë dhe Mbrojtjes Sociale ju informon për situatën në 24 orët e fundit në vend.
Janë kryer 2.677 testime, prej të cilave 479 janë testime janë kryer për arsye depistimi.
Kanë rezultuar pozitivë me virusin SARS COV2, 836 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:
560 raste në Tiranë, 31 raste në Fier dhe Elbasan, 30 raste në Vlorë,
28 raste në Durrës, 24 raste në Kurbin, 21 raste në Shkodër, 16 raste në Kurjë,
15 raste në Pogradec, 14 raste në Mirditë, 10 raste në Kuçovë,
9 raste në Gramsh, 8 raste në Malsi e Madhe, 7 raste në Pukë,
5 raste në Lushnje dhe Kolonjën, 4 raste në Korçë, Sarandë,
3 Devoll dhe Gjirkastër, 2 raste në Mallakastër, Mat dhe Dibër,
1 rast në Tepelenë, 1 rast në Peqin.
Në 24 orët e fundit janë shëruar 490 qytetarë, duke e çuar numrin e të shëruarve 15,055 që nga fillimi i epidemisë.
Aktualisht në 3 spitalet COVID, po trajtohen 436 pacientë, 10 në terapi intensive, 5 pacientë janë të intubuar.
Ministria e Shëndetësisë dhe Mbrojtjes Sociale i shpreh ngushëllimet e sinqerta familjes së fëmijës që humbi jetën sot në pediatrinë e Tiranës, megjithë përpjekjet e mëdha të stafit mjekësor për ta shpëtuar. Informojmë se, referuar QSUT, një fëmijë 16 muajsh ka ndërruar jetën si pasojë e COVID19. I ndjekur dhe trajtuar në pavionin COVID në Pediatrinë e Tiranës për gjendjen dhe shenjat klinike për S. Kawasaki, gjendja e tij u rëndua brenda 24 orëve dhe më pas është dërguar në terapinë intensive ku, megjithë mjekimin me terapinë e plotë të trajtimit dhe përpjekjet e mëdha të mjekëve të reanimacionit, nuk ka mundur të mbijetojë, si pasojë e një komplikacioni të rrallë (Sindroma Inflamatore  Multisistemike) ndër komplikacionet më të rralla që haset në moshën fëminore si pasojë e COVID19.
Me gjithë përpjekjet e mjekëve, në 24 orët e fundit, kanë humbur jetën edhe 14 qytetarë me Sars-Cov2 pozitiv në spitalet COVID: një 45 vjeçar, një 80 vjeçar, një 82 vjeçar nga Tirana, një 49 vjeçar nga Lezha, një 58 vjeçare nga Saranda, një 61 vjeçare dhe një 70 vjeçar nga Shkodra, një 61 vjeçar nga Kukësi, një 65 vjeçar nga Mati, një 65 vjeçar nga Dibra, një 66 vjeçar dhe një 72 vjeçare nga Pogradeci, 71 vjeçar nga Fieri, 86 vjeçar nga Lushnja.
Ministria e Shëndetësisë dhe Mbrojtjes Sociale i shpreh ngushëllime familjarëve të viktimave dhe ju drejtohet të gjithë qytetarëve edhe një herë me një apel për të kontribuar në kufizimin e përhapjes së infeksionit, duke respektuar rregullat. Gjithashtu për të gjithë ata që janë të konfirmuar ose në pritje të përgjigjes së testit, Ministria e Shëndetësisë apelon se duhet të qëndrojnë të izoluar, duke respektuar detyrimin e vetekarantinimit.
Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm për COVID19.
Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.
COVID-19 – Statistika (20 Nëntor 2020)
Raste të reja ditore 836
Të shëruar ne 24 orë     490
Të shtruar në spitale     436
Humbje jete në 24 orë 15
Testime ditore    2,677
Testime totale            168,294
Raste pozitive    31,459
Raste të shëruara     15,055
Raste Aktive     15,732
Humbje jete       672
Shpërndarja gjeografike e rasteve aktive sipas qarqeve:
Tiranë 8082
Durrës 1180
Elbasan   742
Fier 1151
Korçë 905
Vlorë 745
Shkodër  866
Lezhë 667
Berat 507
Kukës 317
Dibër 142
Gjirokaster  428

Comment

*