Robert Radoja mbi piano dhe… ca rreshta

Qerim Vrioni

Këtë fotografi e kam bërë në qershor 2005 në një ceremoni për kremtimin e 85-vjetorit të lindjes së Profesorit të njohur të muzikës, Ramadan Sokoli. Gjatë veprimtarisë, përveç të tjerash, u ekzekutuan nga artistë të ndryshëm disa pjesë të zgjedhuara vokale dhe instrumentale nga krijimtaria e prof.Sokolit. Të gjitha veprat muzikore të paraqitura u pritën me kënaqësi të madhe nga të pranishmit në sallë. Ishte, në një farë mënyre një Koncert Recital i Kompozitorit.

Midis tyre, i veçantë për mua ishte, sidomos ekzekutimi në piano i një pjese instrumentale nga muzikanti, mësuesi dhe zbuluesi i shumë talenteve muzikor (ndërkohë edhe pianist klasi), mjeshtri Robert Radoja, mik i profesor Ramadanit.

Ramadan Sokoli dhe Robert Radoja rridhnin të dy prej një qyteti me histori e kulturë, Shkodra,  pra i lidhte sëpari vendorigjina efamiljeve të tyre. Gjithsesi, lidhja më e madhe midis tyre ishte Magjija e Muzikës. Prandaj Radoja, interpreton i përkulur shumë mbi piano, thellësisht i përqëndruar, madje sikur po bisedon me profesorin për të zbuluar shpirtin e madh muzikor të tij.

Comment

*