Shifra shqetësuese të viktimave dhe të të sëmurëve nga COVID-19 në Shqipëri

Tiranë, 21 nëntor 2020 – Në Shqipëri vazhdojnë të regjistrohen shifra shqetësuese të vdekjeve nga COVID-19 dhe të të invfektuarve nga ky virus.

Autoritetet e shëndetësisë raportuar të shtunën se gjatë 24 orëve të fundit kanë vdekur 13 persona që ishin duke u trajtuar nga COVID-19. 5 prej viktimave të 24 orëve të fundit janë nga Tirana, 2 nga Gjirokastra, 2 nga Fieri, 2 nga Lezha dhe 2 nga Shkodra. Mosha e viktimave të fundit k0a qenë midis 54 e 82 vjeç.

Gjatë 24 orëve të fundit janë regjistruar edhe 737 raste të reja pozitive me koronavirus. Më shumë se gjysma prej tyre janë nga Tirana – 396 raste. Raste dyshifrore janë regjistruar në Fier,  Kavajë, Elbasan, Durrës, Korçë, Vlorë, Pogradec, Librazhd dhe Kukës, kyrse raste njëshifrore janë regjistruar në Kuçovë, Tepelenë, Malësi të Madhe, Berat, Mallakastër, Gjirokastër, Përmet, Sarandë, 3 raste në Kurbin, Delvinë, Peqin, Pukë, Shkodër dhe Skrapar.

Në Shqipëri, deri më tani janë regjistruar gjithsej 32.196 raste pozitive me COVID-19. Prej tyre, luftën me virusin e kanë humbur 685 vetë, ndërsa janë shëruar 15.469 vetë.

Aktualisht, në Shqipëri janë aktive 16.042 raste pozitive me COVID-19.

 

Njoftimi i plotë i Ministrisë së Shëndetësisë dhe Mbrojtjes Sociale:

 

Ministria e Shëndetësisë dhe Mbrojtjes Sociale ju bën thirrje të gjithë qytetarëve të respektojnë me përpikmëri rregullat për parandalimin e COVID19, duke mos e ulur asnjë moment vigjilencën për respektimin e rregullave të higjienës, distancimit fizik dhe mbajtjen e maskës në çdo ambient jashtë shtëpisë.

Kufizoni kontaktet përtej atyre familjare dhe shmangni deryrimisht çdo lloj grumbullimi mbi 10 persona.

 

Ministria e Shëndetësisë dhe Mbrojtjes Sociale ju informon për situatën në 24 orët e fundit në vend.

Janë kryer 2.470 testime, prej të cilave 528 janë testime janë kryer për arsye depistimi.

Kanë rezultuar pozitivë me virusin SARS COV2, 737 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:

396 raste në Tiranë, 54 raste në Fier, 45 raste në Kavajë, 34 raste në Elbasan, 32 raste në Durrës,

31 raste në Korçë, 25 raste në Lushnje, 23 raste në Vlorë, 17 raste në Pogradec, 16 raste në Librazhd, 10 raste në Kukës, 9 raste në Kuçovë, 6 raste në Tepelenë, Malësi e Madhe, 4 raste në Berat, Mallakastër, Gjirokastër, Përmet, Sarandë, 3 raste në Kurbin, Delvinë, Peqin, 2 raste në Pukë, 1 rast në Shkodër dhe Skrapar.

Në 24 orët e fundit janë shëruar 414 qytetarë, duke e çuar numrin e të shëruarve 15.469 që nga fillimi i epidemisë.

Aktualisht në 3 spitalet COVID, po trajtohen 443 pacientë, 10 në terapi intensive, 5 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 13 qytetarë me Sars-Cov2 pozitiv në spitalet COVID: Pesë qytetarë nga Tirana, 2 qytetarë nga Gjirokastra, 2 nga Fieri, 2 nga Lezha dhe 2 qytetarë nga Shkodra, të moshave 54-82 vjeç.

Ministria e Shëndetësisë dhe Mbrojtjes Sociale i shpreh ngushëllime familjarëve të viktimave dhe ju drejtohet të gjithë qytetarëve edhe një herë me një apel për të kontribuar në kufizimin e përhapjes së infeksionit, duke respektuar rregullat. Ministria e Shëndetësisë apelon se të gjithë ata që janë të konfirmuar ose në pritje të përgjigjes së testit, duhet të qëndrojnë të izoluar, duke respektuar detyrimin e vetekarantinimit.

Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm për COVID19.

Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.

COVID-19 – Statistika (21 Nëntor 2020)

Raste të reja ditore 737

Të shëruar ne 24 orë 414

Të shtruar në spitale 443

Humbje jete në 24 orë 13

Testime ditore 2.470

Testime totale 170.764

Raste pozitive 32.196

Raste të shëruara 15.469

Raste Aktive 16.042

Humbje jete 685

Shpërndarja gjeografike e rasteve aktive sipas qarqeve:

Tiranë 8386

Durrës 1184

Elbasan 744

Fier 1204

Korçë 888

Vlorë 769

Shkodër 856

Lezhë 660

Berat 487

Kukës 325

Dibër 133

Gjirokaster 406

(r.m.)

 

Comment

*