Task Force Speciale anti krimit në politikë, polici, gjyqësor, prokurori (zë, pamje)

Task Forca e ngritur pranë Policisë së Shtetit do të nisë punën të hënën. Kryeministri Edi Rama tha se misioni i saj do të jetë lufta kundër krimit të organizuar

Posted by Edi Rama on Sunday, November 5, 2017

Denion Ndrenika

Qeveria e Shqipërisë mblidhet të hënën e 6 nëntorit për të miratuar krijimin e Task Forcës së posaçme kundër krimit brenda Policisë së Shtetit.

Pjesëtarë të Task Forcës do të jenë agjentë të Byrosë Federale amerikane të Hetimit, FBI si dhe europianë, përfshi gjermanë dhe italianë.

Operacioni synon goditjen e krimit të organizuar dhe lidhjeve të politikës.

Kryeministri Edi Rama tha se operacioni i “Forca e Ligjit” do të jetë më i madhi, më i strukturuari, më afatgjati dhe më intensivi i 27 vjetëve të fundit kundër krimit të organizuar:

“Një pjesë do të jetë sekret, nuk do të ndahet me askënd, përveçse me agjencitë ligjzbatuese kombëtare dhe ndërkombëtare. Më mbush me shpresë dhe optimizëm përfshirja e agjentëve të FBI-së. Do të jetë ora e së vërtetës edhe për marrëdhënien e krimit me politikën dhe politikës me krimin. Shumë falenderues drejtorit të FBI-së, të dërguarve të tij, të cilët vijnë këtë javë në Tiranë”.

Kryeministri foli në komunikimin javor në fejsbuk në “Edi Rama Televizion” pragmbrëmjen e së dielës:

“Epoka shumëvjeçare e të fortëve që kanë korrur e kanë shirë për shumë e shumë vite duke përfituar nga prokurorë dhe gjykatës, punonjës dhe shefa policie të tredhur dhe të skllavëruar nga krimi, politikanë të shitur tek e keqja, kriminelë me patllake apo i inkriminuar me kollare do të mbyllet”.

Zoti Rama falenderoi gjithashtu ambasadorin amerikan Donald Lu jo se ndan kurdoherë siç tha, pikëpamje të njejta, por për çka bën në të mirë të Shqipërisë dhe shqiptarëve.

###

“Një pjesë e planit të këtij operacioni, “forca e ligjit”, s’do ndahet me askënd se do jetë sekret por do ndahen me partnerët ndërkombëtarë. S’do jetë sekret misioni I operacionit, për të çuar para drejtësisë elementët e grupet kriminale, si shënjestër e Task Forcës. Kjo do jetë ora e të vërtetës, edhe për marrëdhënien e krimit me politikë dhe politikës me krimin. Këtu do jemi, do e shohim, kush politikën e ka mjet për të mbrojt veten nga drejtësia. Jemi përgatitur seriozisht dhe kemi siguruar bazë të rëndësishme burimesh njerëzore, vendas e të huaj, për të çuar deri në fund këtë faze”, u shpreh Kryeministri.

Rama tha se kjo Task Forcë nuk do të kursejë asnjë.

“Epoka e të fortëve duke përfituar ndër vite nga prokurorë, gjykatës e shefash policie të kredhur në krim apo politikanë të shitur tek e keqja, do mbyllet. Në këtë vend do ketë vetëm një vend, për ata që janë mësuar të bëjnë përshesh ku kanë gjetur shesh. Aty do shkojnë të gjithë, kush më shpejt e kush më vonë. Mandate jonë I ri do mbyllet me disa suksese një ndër të cilët do jetë mbyllja e epokës së pandëshkueshmërisë, për kriminelët me patllake apo politikanë me kollare”, tha Rama.

Kreu i qeverisë zbuloi se këtë javë në kryeqytet do të mbërrijnë edhe të dërguarit e FBI amerikane, për të cilët pati një falenderim të veçantë, mes tyre edhe për ambasadorin Lu, me të cilin pranoi se jo gjithnjë është dakord.

“Faleminderit ne emër të çdo shqiptari që do shtet, drejtorit të FBI dhe të dërguarve të tij që vijnë këtë javë në Tiranë. Ambasadorit Lu me të cilin s’jam dakord gjithnjë, por mirënjohje për gjithçka bën për Shqipërinë”, tha Rama.

  Top Channel

Comment

*