Vdiq ish-presidenti i Francës, Jacques Chirac

Paris, 26 shtator 2019 – Ish-presidenti i Francës, Jacques Chirac, vdiq në moshën 86-vjeçare.

Dhëndri i tij konfirmoi se Chirac vdiq të enjten në mëngjes, i rrethuar nga familja.

Chirac ka shërbyer dy mandate si president i Francës, nga viti 1995 deri më 2007.

Një nga reformat e tij kryesore politike ishte shkurtimi i mandatit presidencial nga shtatë në pesë vjet.

Chirac e ka futur Francën në Eurozonë.

Ai ka qenë kundër pushtimit të Irakut nga forcat e udhëhequra nga SHBA-ja, në vitin 2003.

Kur NATO-ja ka nisur bombardimet në caqet e ish-Jugosllavisë më 1999, për të ndalur dhunën në Kosovë, Chirac ka thënë se sulmet ajrore kanë nisur për të mbrojtur “paqen në tokën tonë, paqen në Evropë”. (REL)

Comment

*