Vetëm 2% vdekshmëri nga rreth 900 ndërhyrje në zemër në QSUT në 2019

Shefi i Shërbimit të Kardiokirurgjisë, dr.Edvin Prifti thekson se shifrat janë rezultat i një përkushtimi të pashembullt të të gjithë stafeve

Denion Ndrenika

Shërbimi i Kardiokirurgjisë në Qendrës Spitalore Universitare “Nënë Tereza” në Tiranë, mbërriti shifrën rekord 884 të ndërhyrjeve në zemër në vitin 2019.

Ky rekord ka rëndësi më të madhe, kur vërehet se vdekshmëria ka prekur vetëm 2 për qind të rasteve në të gjitha moshat dhe tipet e operacioneve kardiake.

Shefi i Shërbimit të Kardiokirurgjisë, dr.Edvin Prifti thekson se shifrat janë rezultat i një përkushtimi të pashembullt të të gjithë stafeve.

Dr.Prifti rendit këtu kardiokirurgë, anestezistëe dhe reanimatorë, kardiologë dhe infermierë.

Kjo trupë, sipas dr.Priftit “ka arritur që të përmbushë me përkushtim nevojat në rritje të popullatës shqiptare për intervente kardiokirurgjikale, kur edhe këtë vit paçka vështirësive arritën rezultatet e mrekullueshme”.

“Dhe, – vijon dr.Prifti, – të mendojmë që vetëm pak vite më parë shqiptarët largoheshin të detyruar jashtë vendit kryesisht drejt Turqisë për të marrë këtë trajtim”.

Duke i uruar stafit vitin e ri në ardhje, dr.Prifti thekson se ata, pjesëtarë të këtij stafi, i kanë kushtuar jetën profesionit dhe “përditë luftojnë me vdekjen”.

“Kjo luftë qëndron aq larg nga sherret, problematikat dhe absurditet e përditshme, luftë që meriton vetëm mirënjohje nga të gjithë”-shkruan dr.Prifti në mesazhin për ndërrimin e motmoteve në facebook.

Dr.Edvin Prifti:

“Viti 2019, një vit i cili e gjen Shërbimin e Kardiokirurgjisë në QSUT në pararojë duke arritur një shifër rekord të operacioneve kardiake, duke iu afruar shifrës së 900 operacioneve kardiake të të gjitha tipeve dhe moshave me një vdekshmëri prej vetëm 2%.

Ky është rezultat i një dedikimi të pashembullt të të gjithë stafeve kardiokirurgëve, anestezistëve dhe reanimatorëve, kardiologëve dhe infermierëve, të cilët kanë arritur që të përmbushin me përkushtim nevojat në rritje të popullatës shqiptare për intervente kardiokirurgjikale, kur edhe këtë vit paçka vështirësive, arritëm rezultatet e mrekullueshme.

Dhe, të mendojmë që vetëm pak vite më parë shqiptarët largoheshin të detyruar jashtë vendit, kryesisht drejt Turqisë, për të marrë këtë trajtim.

Gëzuar dhe për shumë vjet 2020 të gjithë atyre që i kanë dedikuar jetën këtij profesioni dhe që përditë luftojnë me vdekjen, luftë kjo e cila qëndron aq larg nga sherret, problematikat dhe absurditet e përditshme, luftë e cila meriton vetëm mirënjohje nga të gjithë!

Gëzuar 2020 për të gjithë pacientet që na besojnë jetën ne, jetën e tyre”!

One Response to “Vetëm 2% vdekshmëri nga rreth 900 ndërhyrje në zemër në QSUT në 2019”

Read below or add a comment...

  1. fteri says:

    jam një qytetar i operuar nga dora e Edvin Priftit në v. 2016 ,së bashku me stafin e tij të mrekullueshëm . Operacioni zemrës time ishte një operacion e madhë i shkallës së rëndë ,me vendosje tre bajpas ,ndrrim i valvës kryesore ,u vendos nje manikotë në aorte kryesor 6 cëntimetre të gjatë .Operacioni zgjati 6 orë në QSUT -Tiranë .pas 10 ditësh dola nga spitali ,pa paguar asnjë lek ,spse kisha kartë shëndeti , shteti paguane falas.Ky operacion ka dalë brilantë mbas kaq vitesh ,unë jam gati të vrapoi 100 m me kronometër për 40-50 sekonda.Veçse pi ilaçet rregullisht me disiplinë të rrept ushtarake në kohë dhe kontrolle të vazhdueshme të kardiologu i familjes.
    Ky operacion i madhë kushtonte mbi 18mijë euro në spitalin privat ,amerikan ,gjerman ,dhe Zonja e këshillit mir.etj . Në turqi kushtonte 40 mijë euro vetë për operacionin ,pa llogaritur shoqëruesit ,në gjermani ku kisha njerzit e mijë mbi 70 mijë euro .
    Por preferova vendin tim shqiprinë dhe mjekun shtetror te talentuar Edvin Prifti në QSUT -Tiranë.Në vend të huaj shkon si qeni në vreshtë ,gabimet e mjekut i mbulon dheu,si thonë kot , guri i rëndë peshon në vend vet.E falenderoi Dr Edvin Priftin së bashku stafin e mrekullueshëm ,sot jam shumë mir.D.V

Comment

*