Arkeologu Kriledjan Çipa zbulon varrezën e Bronzit të Vonë në Himarë

Një zbulim i rëndësishëm për datimin e vendbanimit, në qytetin e Himarës

Drejtoria Rajonale e Trashëgimisë Kulturore, Vlorë, së bashku me Instituti Kombëtar i Trashëgimisë Kulturore kanë zbuluar një varrezë tumulare të periudhës së Bronzit të Vonë (shek. XV-XII p.Kr).

Varreza u zbulua fillimisht në vitin 2018, në shtratin e përroit të Korramit, në verilindje të qytetit të Himarës.

Varret e dala në sipërfaqe kërcënoheshin të dëmtoheshin nga rrjedha e përroit dhe nga ndërhyrjet klandestine, për këtë arsye, në pranverën e vitit 2018, me qëllim dokumentimin e varrezës dhe shpëtimin e materialit arkeologjik, u krye faza e parë e gërmimit arkeologjik të shpëtimit, gjatë së cilës u zbulua një tumë e periudhës së Bronzit të Vonë (shek. XV-XII p.Kr) dhe disa varre ciste.

Për një dokumentim më të plotë të varrezës, dy javët e fundit të muajit qershor, të vitit 2020 u realizua faza e dytë e gërmimit arkeologjik të shpëtimit, ku u zbulua një tumë e dytë, e cila konfirmon ekzistencën e një varreze tumulare pranë qytetit të Himarës.

Tashmë materiali arkeologjik është zhvendosur në hapësirat e Drejtorisë Rajonale të Trashëgimisë Kulturore, Vlorë.

Këshilli Kombëtar i Trashëgimisë Kulturore do të vendosë mbi hapat e mëtejshme, që do të ndërmerren.

Është radha e studiuesve dhe kërkuesve shkencorë, që ta çojnë më tej këtë zbulim të rëndësishëm.

#Himarë
#TrashëgimiKulturore
#Zbulim
#EuropeforCulture
#MinistriaeKulturës

Ministrja e Kulturës, Elva Margariti

One Response to “Arkeologu Kriledjan Çipa zbulon varrezën e Bronzit të Vonë në Himarë”

Read below or add a comment...

  1. kadri tarelli says:

    Urime arkeologëve tane, që mundën të zbulojnë dhe te shpëtojnë pasuritë arkeologjike të paraadhesve tane Pellazgo-ilir. Me shume mund te behet po te krte kujdes nga shteti yne.

Comment

*